६)
मैदान मात्रै होइन साथी भीर पनि बुझ्छु मैले ।
५)
मैदान मात्रै होइन साथी भीर पनि बुझ्छु मैले ।
हाँसो, खुशी, उमङ्ग र पीर पनि बुझ्छु मैले ।
माया ममता
अपनत्वको साँचो स्वाद चाखेको छु
मधूर बोलि बचनको
तीर पनि बुझ्छु मैले ।
गरिबीको महल
भित्रै मीठो जीवन संभव भयो
सिस्नु, ढिंडो,
गुन्द्रुकसँगै खीर पनि बुझ्छु मैले । ५)
संवेदना तन्तु
पनि काटिएछ सायद ।
मानवतालाई स्वार्थसँग साटिएछ सायद ।
आँखै अघि मान्छे मर्छन् वास्तै छैन कसैलाई
मुटु ढुङ्गो
बन्ने बुटी चाटिएछ सायद ।
भन्छन अब
कर्तव्यलाई पोली खाए सबले
अधिकारको भाषण मात्रै छाँटिएछ सायद ।
नैतिकता पढाउन एक से एक सीपालु छन्
सबले सबलाई एकैपल्ट ढाँटिएछ सायद ।
४)
बढिरहे इच्छाहरू नाचिरहे सपनाहरू
बिपत्तिलाई बिर्सिएरै बाँचिरहे सपनाहरू ।
अत्तालियो यो मन् पनि ऒठको मुस्कान मलीन भयो
खुसी आउने विश्वास गर्दै हाँसिरहे सपनाहरू ।
समयले लात मार्यो, रिसाई हिंड्यो उल्टो बाटो
फर्की आउने आसमा औंला भाँचिरहे सपनाहरू ।
आकांक्षाले अप्ठ्यारोका पहाड मात्रै खडा गरे
तिनै सँग माया प्रिती गाँसिरहे सपनाहरू ।
३)
शान्तिप्रिय दाबी
गर्छन् मान्छे काट्दै हिंड्नेहरू ।
सदाचारको शिक्षा
दिन्छन् सधैं ढाँट्दै हिंड्नेहरू ।
भाषण गर्छन ‘जीवन भन्दा स्वतन्त्रता
मूल्यवान छ’
खुलमखुला मालिकका
खुट्टा चाट्दै हिंड्नेहरू ।
जिउँछु मर्छु
देशकै लागि व्यक्ति केही होइन भन्छन्
स्वाभिमानलाई स्वार्थसँग हाँस्दै
साट्दै हिंड्नेहरू ।
सहकार्य, सहमति
गायत्री झैं जप्छन् सधैं
गाली गर्दै एक
अर्कालाई हरपल फाट्दै
हिंड्नेहरू ।
मन्द मुस्कान,
मीठो बोली, भ्रातृत्वको गीत गाउँछन्
षड्यन्त्रका
खुरापाती डोरी बाट्दै हिंड्नेहरू ।
२)
नचाहेरै कहिलेकाहिं जीवन थाक्छ त्यसै त्यसै ।
१)
तिमी मुस्कुरायौ जून लजायो
नचाहेरै कहिलेकाहिं जीवन थाक्छ त्यसै त्यसै ।
आफ्नै धर्ती आफ्नै आकास पराइ लाग्छ त्यसै त्यसै ।
सयौं मान्छे वरिपरि हात जोड्छन् मुस्कुराउँछन्
आफ्नै मान्छे आफूबाट टाढा भाग्छ त्यसै त्यसै ।
सम्झनामा बेरिएर बर्तमान यो बगिरन्छ
पीडा भित्र पिल्सिएर
यो मन पाक्छ त्यसै त्यसै ।
थियो खुशी छैन आज भोलि आउने हो कि होइन
आशा गर्छ यो जिन्दगी सुख माग्छ त्यसै त्यसै ।
हाँसो खुशी
पछ्याइरन्छु सपनीमा विपनीमा
मलाई भने पीडा मात्रै किन डाक्छ त्यसै त्यसै ?
१)
तिमी मुस्कुरायौ जून लजायो
बैंशालु मेरो खून लजायो ।
गीत गजल सब किनारा भएछन्
संगीतको सुमधुर धून लजायो ।
स्वार्थी छ संसार बैगुनी मान्छे
मधुर बोल्यौ बैगुन लजायो ।
सौन्दर्य सृंगार
चाहिन्न केही
बहुमुल्य हीरा र सुन लजायो ।
(९
अप्रिल २०१३, २७ चैत्र २०६९, साल्मियाँ, कुवेत)
No comments:
Post a Comment